Desenvolvemento de novos contidos para a internet

A Secretaría Xeral de Modernización e Innovación Tecnolóxica convoca 32 premios ao desenvolvemento de novos contidos para a internet, para particulares e asociacións non empresariais sen ánimo de lucro, no marco do Plan estratéxico galego da sociedade da información e o Plan Avanza.
Poderase participar nesta convocatoria en catro categorías e dúas modalidades, coa seguinte dotación económica e número de premios:
Categorías:
a) Contidos xerais para a internet. Contidos de tipo xeral que non estean recollidos nas outras categorías.
b) Contidos para o achegamento ás TIC. Contidos públicos na internet orientados aos colectivos con maiores dificultades de inclusión na sociedade da información (persoas maiores, emigración, inmigración, persoas con discapacidades...).
c) Contidos orientados á promoción do patrimonio, cultura e lingua galegas.
d) Aplicacións informáticas para a prestación de servizos na internet que inclúan a formación e o asesoramento da internet nos fogares. Terán un recoñecemento especial aquelas que se desenvolvesen en código aberto.
Cada categoría terá dúas modalidades:
Modalidade A: novos contidos desenvoltos por persoas físicas.
a) Catro primeiros premios de 8.000 euros (1 premio por categoría).
b) Catro segundos premios de 5.000 euros (1 premio por categoría).
c) Oito terceiros premios de 3.000 euros (2 premios por categoría).
Modalidade B: novos contidos desenvoltos por entidades sen ánimo de lucro.
a) Catro primeiros premios de 10.000 euros (1 premio por categoría).
b) Catro segundos premios de 5.500 euros (1 premio por categoría).
c) Oito terceiros premios de 3.000 euros (2 premios por categoría).
Máis información no DOG do 21 de abril de 2010 e en http://imit.xunta.es
Información:://www.xuventude.net/web/xuventude/asociacions/financiamento/ordedesubvencions