CONCERTO SOLIDARIO “En clave de solidariedade”

VENRES 25 DE MARZO ÁS 19.30H
Conservatorio de Música



Actúan:

alumnos e alumnas do Conservatorio



Interveñen :

ONGDS Asemblea de Cooperación pola Paz,

Cáritas de Vilaboa, Mestura, Mundo Cooperante ,

Terra de Homes e OMVOL de Culleredo.



Organizan: Conservatorio de Música e Concellaría de Mocidade e Voluntariad

Campaña de xoguetes 2010

Castelo Deporte lanza unha campaña de sensibilización na loita contra o SIDA

Con motivo da celebración, o vindeiro 1 de decembro, do Día Mundial da Loita contra o SIDA, a asociación Castelo Deporte lanza unha campaña de sensibilización, dirixida a toda a sociedade, pero de xeito específico á mocidade. A entidade cullerdense, que de xeito habitual comproba a escasa información que recibe este sector acerca dunha das primeiras causas de mortalidade no mundo, aposta deste xeito por facer chegar á poboación dun xeito directo e claro a importancia da prevención como mellor remedio ante a problemática.

Baixo o lema ‘O mellor regate ao SIDA témolo que facer xuntos’, a asociación pretende distribuir cartaces a través da rede de centros sociais do Concello de Culleredo, e ubicará un deles, de maiores dimensións, no centro da parroquia de Castelo.
Ademais, a campaña será difundida a través das redes sociais, onde Castelo Deporte está en contacto diario con milleiros de persoas de toda a comarca que participan de xeito habitual nas actividades da asociación. Os seus responsables teñen previsto provocar unha cadea de mensaxes a través das redes máis populares para facer chegar os obxectivos da campaña ao maior número de persoas.

MÁIS INFORMACIÓN
prensa@castelodeporte.org
697.513.997 – 650.429.214
www.castelodeporte.org

SEMINARIO FORMATIVO "PROXECTO DESIGUALDADES"

PARA PARTICIPAR DE MANEIRA VOLUNTARIA
COMO MONITOR/A DO PROXECTO
26 de novembro, de 17.00h a 20.00h
27 de novembro ,de 10.00h a 14.00h e de 15.00h a 19.00h
Casa de Mocidade ( O Burgo )
Inscrición de balde Tel 692 178 960 (Rosa López)

Curso de Formación no Voluntariado 2010

Luns 22 de novembro de 16.00h a 18.00h



Oficina Municipal de Voluntariado

Rúa Alfonso VII (O Burgo) 981 654 588

Inscrición de balde

O Mellor Jazz Galego no Burgo

Programación:

Venres 9 de xullo - ás 20:30 horas, no Edificio de Servizos Múltiples, actuará "ABE RÁBADE" (Zigurat)
Luns 12 de xullo - ás 20:30 horas, no Xardín Botánico "Ría do Burgo" actuará o "SEXTETO DE SAXOFÓNS DO Conservatorio de Culleredo" e "ART & SOUNDS MUSIC CLUB"
Martes 13 de xullo ás 20:30 horas, no Xardín Botánico "Ría do Burgo" actuará o grupo "3AZOTEAS"
Mércores 14 de xullo ás 20:30 horas, no Xardín Botánico "Ría do Burgo" actuación de: "ÁNGELES DORRÍO CUARTETO"
Xoves 15 de xullo ás 20:30 h. no Xardín Botánico "Ría do Burgo" "CARLOS CHILDE TROUPE"
Venres 16 de xullo ás 20:30 h. no Edificio Municipal de Servizos Múltiples de O Burgo, ocupan o escenario ROBERTO SOMOZA OCTETO - "THE VANGUARD"

Máis información: www.culleredo.es

Castelo acolle este domingo a fase final da Liga de Fútbol Culleredo Mocidade

A polideportiva de Castelo (Culleredo), acollerá este domingo dende o mediodía e ata as dez da noite a fase final da Liga de Fútbol Culleredo Mocidade, un campionato que se ven desenvolvendo todas as semanas dende o pasado mes de maio e que organiza a Asociación Castelo Deporte en colaboración coas concellerías de Mocidade e Voluntariado,
e de Deportes e Participación Cidadá do Concello de Culleredo.
Case dous centenares de mozas e mozos de todos os puntos de Culleredo participaron neste evento, cuxo obxectivo foi dende un primeiro momento dinamizar á mocidade cullerdense, especialmente a das parroquias rurais do concello. Foron catorce os equipos inscritos, e
na organización participaron máis de dez persoas.
O domingo, Castelo pechará a competición coas semifinais a dobre partido, o partido para o terceiro e o cuarto posto e a final, que se disputará contra as nove da noite. Os equipos ‘Fonteculler’, ‘O Burgo’, ‘As Torres’ e ‘Sésamo’ foron os catro primeiros clasificados da fase
regular, que polo tanto teñen acceso á xornada decisiva.
Á entrega de premios asistirán as autoridades do Concello de Culleredo,por parte das dúas concellerías que colaboraron no evento.
A Asociación Castelo Deporte habilitará para esta fase final o chamado ‘Castelo Lounge & Drink’, un servizo de bar para que participantes e público en xeral poidan xantar na propia polideportiva de Castelo e completar a última xornada de deporte no marco deste proxecto.

MÁIS INFORMACIÓN
prensa@castelodeporte.org
697.513.997 – 650.429.214
http://www.castelodeporte.org/

DJ Goro, Strabismo, Hugo Torreiro e DJ Piñas & Ramón Gz. encabezarán o cartel do Castelo Music Festival 2010 do vindeiro 26 de agosto

O Castelo Music Festival 2010 comeza a coller forma logo de que este sábado, nun programa de radio especial que as asociacións Castelo Deporte e Sons de Base emitiron dende a praza de Europa (O Burgo), foron anunciados os gañadores do certame ETIQUEDIS, que dende o
mes de xaneiro procura a opinión de toda a mocidade galega para deseñar unha festa á medida de cada persoa.
Os gañadores do concurso, con máis de mil votos, foron os dj’s Piñas & Ramón Gz., seguidos polo cantautor coruñés Hugo Torreiro e Strabismo, un grupo procedente de Noia. Marxe Eskerda, Álvaro González e Maedi Visna completaron as seis primeiras posicións, que dan acceso ao evento.
A sorpresa foi a inclusión no cartel do evento dun dos deejays máis coñecidos de Galicia, Goro, que protagonizará a actuación estelar a noite do 26 de agosto na polideportiva de Castelo (Culleredo).
Máis de duascentas persoas seguiron o programa a través da rede en directo e ao redor de catrocentas presenciaron o evento na propia praza do Burgo ao longo das cinco horas que durou a emisión.

MÁIS INFORMACIÓN
prensa@castelodeporte.org
697.513.997 – 650.429.214
www.castelodeporte.org

Programación de obradoiros de informática para o mes de maio

Os cursos son DE BALDE:

Para informarte sobre os cursos acode a Aula aberta
Luns a xoves: 10:30 a 14:00 e de 16:00 a 20:30
Venres: 9:30 a 15:00

Información e inscricións:
Aula Informática R/ Alcalde Domingo Sierra, nº 1, baixo. Vilaboa-Culleredo. Teléfono: 981/612072
Área de Promoción Económica. Rúa do Concello, nº 12. Culleredo. Teléfono: 981-677777.
Máis información: http://www.culleredo.es

Actuación teatral de "Espello Cóncavo"

Este venres 14 de maio ás 20'30h. no edificio de servizos múltiples do Burgo terá lugar a terceira das funcións teatrais que forman parte deste ciclo de teatro profesional "Adolfo Marsillach" coa actuación de "Espello Cóncavo" teatro que poñerá en escena a obra "anxeliños" escrita por Roberto Vidal Bolaño e interpretada polos coñecidos actores Fernando Moran, Rodrigo Roel, Estibaliz Veiga, Isabel Risco e Manu Fernandez.

Máis Información: http://www.culleredo.es/

HORTOS URBANOS

O Concello de Culleredo pon a disposición da poboación terreos axeitados para a súa explotación hortícola e asesorará aos interesados nas prácticas ecolóxicas e tradicionais de cultivo.
Esta iniciativa comezará a implantarse en Vila Melania na parroquia de Rutis, con 23 parcelas (de 50 m² cada unha aproximadamente) que contarán cunha normativa de uso e uns criterios de adxudicación flexibles.
A posta en marcha dos hortos farase logo dunha serie de accións formativas de carácter teórico-práctico que se desenvolverán nas instalacións de Vila Melania e servirán como primeira toma de contacto para os futuros hortelanos.

Criterios de adxudicación

Requisitos:
Estar empadroado no Concello dende fai máis de 6 meses.
Estar capacitado para coidar unha horta sen que supoña un risco para a súa saúde.
Non estar traballando outra horta particular, propia ou cedida.

Charla Informativa Xoves 22 abril 19 H. Villa Melania
Grupos de destinatarios:
Xubilados e maiores de 65 anos
Xente nova entre 18 e 35 anos
Poboación adulta en xeral (maiores de 36 anos)
Adxudicación:
Farase por sorteo dun número de parcelas proporcional entre os tres grupos de destinatarios.

MÁIS INFORMACIÓN: http://www.culleredo.es

CICLO DE CHARLAS SOLIDARIAS

A concellaría de Mocidade e Voluntariado organiza para o este trimestre un ciclo de charlas solidarias dentro do Programa de Cooperación co obxectivo de sensibilizar á poboación en temas vencellados á solidariedade así como na cooperación cos países do Sur, varias organizacións para o desenvolvemento están convidadas para relatar aos veciños e veciñas de Culleredo, as súas experiencias e asemade, dar a coñecer os diferentes proxectos nos que se está a traballar neste eido e sempre baixo o lema “Tecendo alicerces”.

Programación:

 Xoves, 15 de abril: “O comercio Xusto. Dende o Sur até a nosa comarca”
Interveñen: Asociación Amarante e Cooperativa “Zoca Miñoca”
Lugar: Pazo Vila Melania Hora: 20.00h

 Venres, 21 de maio: “Os movementos migratorios. Migracións de hoxe, espellos de onte”
Interveñen: Asociación Mestura e ONGD Ecos do Sur
Lugar: Pazo Vila Melania Hora: 20.00h

CHARLA COMERCIO XUSTO

A Concelleira de Mocidade e Voluntariado, convídache a asistir á charla- coloquio que se celebrará o vindeiro xoves 15 ás 20:00h no Pazo de Vila Melania de Vilaboa, a fin de coñecer proxectos nos que se está a traballar dende a cooperación en prol da sostenabilidade así como distintos recursos para poder aplicar hábitos de consumo responsable na vida cotiá de casa quen.
Agardo contar ca túa presenza e que sexa de proveito.
Unha aperta solidaria

Proxecto Rios