Becas Argo para formación práctica de titulados no estranxeiro

ARGO GLOBAL é un programa de mobilidade, promovido polo Ministerio de Educación, no que o obxectivo é impulsar a formación complementaria dos titulados de todas as universidades españolas a través da realización de prácticas en empresas no estranxeiro, cunha duración de entre 3 a 12 meses en empresas en Europa, EUA, Canadá e en empresas españolas con sede en Asia.
A convocatoria do programa ARGO GLOBAL ten unha duración de tres anos, iniciándose en decembro de 2009 e sendo a data límite para a finalización e o retorno dos bolseiros o 30 de xuño de 2012.
O prazo para as solicitudes dos titulados universitarios para acceder a unha bolsa ARGO GLOBAL estará aberta ata marzo de 2012 no caso de Europa e ata novembro de 2011 no caso de EUA, Canadá e Asia.
DURACIÓN
A duración media das bolsas é de:
6 meses para Europa
10 meses para EUA
7 meses para Canadá
10 meses para Asia
BENEFICIARIOS
Para beneficiarse dunha bolsa ARGO GLOBAL, o solicitante debe cumprir os seguintes requisitos:
Ser titulado universitario de calquera universidade española pública ou privada.
Non se ter beneficiado anteriormente das bolsas de mobilidade Leonardo Da Vinci en calquera das súas formas, Bolsas ARGO, Bolsas FARO GLOBAL e Bolsas INTEGRANTS.
Importante non poderán participar:
Titulados de Doutorado, Máster ou doutro tipo de estudos de posgrao, que non obtivesen o título universitario previo a estes estudos nunha universidade española pública ou privada.
Titulados doutro tipo de Ensinanzas Superiores como son as impartidas nos Conservatorios Superiores de Música ou as Escolas de Artes, os denominados títulos propios ou títulos universitarios ou homologacións de títulos obtidos noutros países.
Información: http://www.becasargo.es/

Máis información: http://www.xuventude.net/web/xuventude/ensino/bolsaseaxudas