Programa Noites Saudables para a Mocidade

Se tes entre 18 e 35 anos e resides na Comunidade Autónoma de Galicia, non podes perder a oportunidade de vivir o programa Noites Saudables para a Mocidade.

Este programa ten por finalidade que poidas gozar do termalismo e o ocio, con máis xente da túa idade, con estancias de fins de semana durante o mes de marzo (agás a fin de semana do 18 ao 20 de marzo) e as fins de semana do 1 ao 3 e do 8 ao 10 de abril, incluíndo dúas noites de estancia (venres e sábado) nun cuarto dobre en réxime de media pensión (dereito a cea) con dous tratamentos específicos, un o sábado e outro o domingo.

Haberá 500 prazas dispoñibles a repartir, entre oito establecementos de concellos galegos, durante 5 fins de semana. Debes saber que os tratamentos e estancias son un 50% máis baratos que se vas por libre.

Os prazos de inscrición comezan o día 14 de febreiro, tendo que chamar por teléfono para a reserva aos números 981 545822, 981541689, 981545937 e 981545702.

De luns a venres en horario de 09:00 a 14:30 horas.

Castelo Deporte lanza unha campaña de sensibilización na loita contra o SIDA

Con motivo da celebración, o vindeiro 1 de decembro, do Día Mundial da Loita contra o SIDA, a asociación Castelo Deporte lanza unha campaña de sensibilización, dirixida a toda a sociedade, pero de xeito específico á mocidade. A entidade cullerdense, que de xeito habitual comproba a escasa información que recibe este sector acerca dunha das primeiras causas de mortalidade no mundo, aposta deste xeito por facer chegar á poboación dun xeito directo e claro a importancia da prevención como mellor remedio ante a problemática.

Baixo o lema ‘O mellor regate ao SIDA témolo que facer xuntos’, a asociación pretende distribuir cartaces a través da rede de centros sociais do Concello de Culleredo, e ubicará un deles, de maiores dimensións, no centro da parroquia de Castelo.
Ademais, a campaña será difundida a través das redes sociais, onde Castelo Deporte está en contacto diario con milleiros de persoas de toda a comarca que participan de xeito habitual nas actividades da asociación. Os seus responsables teñen previsto provocar unha cadea de mensaxes a través das redes máis populares para facer chegar os obxectivos da campaña ao maior número de persoas.

MÁIS INFORMACIÓN
prensa@castelodeporte.org
697.513.997 – 650.429.214
www.castelodeporte.org

Persoas voluntarias para o Programa de Control e Prevención de Enfermidades Transmisibles

O Programa de Control e Prevención de Enfermidades Transmisibles para o colectivo inmigrante, en colaboración coa Consellería de Sanidade da Xunta de Galicia, leva once anos dando información sanitaria, sensibilizando e acompañando pacientes, tanto para acudir a citas sanitarias, como para xestións administrativas e garantindo un seguimento aos usuarios en tratamento
Duración:
Actividade puntual (unhas horas semanais)
Data:
Inscrición: durante todo o ano
Organizada por:
Ecos do Sur
Requisitos:
Buscamos a persoas que traballan no campo sanitario (enfermeir@s, matronas, medic@s) con experiencia, que poidan realizar a proba, e medir o resultado da mesma; cabe destacar a importancia da colaboración con persoal sanitario que poida aclarar calquera dúbida que o usuario/paciente poida ter.
Enlace:
http://www.ecosdosur.org/

ACTIVIDADES DE VERÁN NA ZONA MOZA

PARA MÁIS INFORMACIÓN CHAMA AO 981.654588 OU ENVÍA UN E-MAIL A zona.moza@culleredo.org

Accións de investigación-acción anti VIH/sida.

A Consellería de Sanidade convoca subvencións a proxectos de accións de investigación-acción que teñan relación co esforzo global anti VIH/sida. Estas axudas irán dirixidas a asociacións e concellos que desenvolvan actividades en Galicia.
En Mocidade serán subvencionables as seguinetes actividades:
Mozas e mozos non escolarizados ou pertencentes a grupos con elevada vulnerabilidade social (internas/os en centros tutelares de menores, minorías étnicas marxinadas, familias desestruturadas,
-Facilitación de medios preventivos.
-Información e divulgación sobre VIH/sida.
Programas dirixidos á mocidade escolarizada no ámbito da promoción de hábitos sexuais saudables.
-Educación para a prevención do VIH no contexto de programas de educación afectivo-sexual.
-Facilitación de preservativos.

O prazo de presentación de solicitudes estará aberto ata o 12 de xuño de 2010.
Máis información no DOG do 11 de maio de 2010

http://www.xuventude.net/web/xuventude/asociacions/financiamento/ordedesubvencions

HORTOS URBANOS

O Concello de Culleredo pon a disposición da poboación terreos axeitados para a súa explotación hortícola e asesorará aos interesados nas prácticas ecolóxicas e tradicionais de cultivo.
Esta iniciativa comezará a implantarse en Vila Melania na parroquia de Rutis, con 23 parcelas (de 50 m² cada unha aproximadamente) que contarán cunha normativa de uso e uns criterios de adxudicación flexibles.
A posta en marcha dos hortos farase logo dunha serie de accións formativas de carácter teórico-práctico que se desenvolverán nas instalacións de Vila Melania e servirán como primeira toma de contacto para os futuros hortelanos.

Criterios de adxudicación

Requisitos:
Estar empadroado no Concello dende fai máis de 6 meses.
Estar capacitado para coidar unha horta sen que supoña un risco para a súa saúde.
Non estar traballando outra horta particular, propia ou cedida.

Charla Informativa Xoves 22 abril 19 H. Villa Melania
Grupos de destinatarios:
Xubilados e maiores de 65 anos
Xente nova entre 18 e 35 anos
Poboación adulta en xeral (maiores de 36 anos)
Adxudicación:
Farase por sorteo dun número de parcelas proporcional entre os tres grupos de destinatarios.

MÁIS INFORMACIÓN: http://www.culleredo.es

NOITES SAUDABLES

Máis Información: http://xuventude.net/

somos