Axudas para promocionar a convivencia e a tolerancia no deporte

O Ministerio da Presidencia convoca axudas destinadas a financiar actividades que promovan a convivencia e a tolerancia a través do deporte e a sensibilización sobre os riscos da violencia, o racismo, a xenofobia e a intolerancia no deporte.
Serán obxecto de axuda nesta convocatoria aqueles proxectos que se realicen ao longo do ano 2010, e que inclúan todas ou algunhas dos seguintes tipos de actividades:
a) Campañas que difundan a deportividade, o xogo limpo, o respecto e tolerancia mutuas entre deportistas,participantes e espectadores de competicións deportivas.
b) Xornadas, debates, coloquios e foros de opinión que promovan e fomenten boas prácticas e a sensibilización sobre a deportividade, o xogo limpo, o respecto e tolerancia.
c) A realización de estudos, informes e traballos de interese, sobre causas, efectos e alcance da violencia, o racismo, a xenofobia e a intolerancia no deporte.
d) Actividades de contido educativo, dirixidas á prevención da violencia, o racismo, a xenofobia e a intolerancia no deporte.
PRAZO
O prazo da presentación de solicitudes será dun mes, contado a partir do día seguinte á data de publicación da convocatoria no «Boletín Oficial do Estado».
INFORMACION
BOE do 13 de abril de 2010

Máis Información :
http://www.xuventude.net/web/xuventude/asociacions/financiamento