Iniciativa Xove: axudas a iniciativas xuvenís de asociacións e grupos informais

A Dirección Xeral de Xuventude e Voluntariado convoca axudas para a posta en marcha de iniciativas xuvenís, entendidas estas como proxectos dirixidos á mocidade de Galicia, que se desenvolvan durante o ano 2011, e nos cales os mozos e mozas participan activamente en actividades deseñadas por eles/elas mesmos/as.

Terán preferencia as seguintes iniciativas xuvenís:
a) Proxectos de ocio e lecer educativo.
b) Proxectos relacionados coa creación de espazos para a comunicación e coas novas tecnoloxías.
c) Proxectos de fomento de actitudes creativas, emprendedoras, innovadoras e participativas da xente nova na súa comunidade e contorno.

Destinatarios:
a) Os grupos informais de mozos/as que desexen realizar unha iniciativa xuvenil.
b) As asociacións xuvenís e as entidades prestadoras de servizos á mocidade e que carezan de interese de lucro e as súas respectivas federacións sempre, que, no caso destas últimas, o proxecto que presentan non sexa o mesmo que o de cada unha das asociacións/entidades que as conforman.

Requisitos:
1. As asociacións xuvenís e as entidades prestadoras de servizos á mocidade e as súas respectivas federacións, deberán estar inscritas no censo oficial dependente organicamente da Dirección Xeral de Xuventude e Voluntariado.
2. Os grupos informais deberán estar formados por un mínimo de 5 mozos/as con idades comprendidas entre os 18 e os 29 anos no momento de presentar a solicitude, debidamente identificados/as, asumindo un deles o papel de representante único do grupo e con poderes suficientes para cumprir as obrigas que, como beneficiario, lle corresponden ao grupo. Así mesmo, será necesario que o grupo teña unha denominación que o identifique.

A contía máxima da axuda concedida será de 7.000 € e non poderá superar o 80% do orzamento total.
O prazo de presentación de solicitudes estará aberto ata o 1 de marzo de 2011.
Máis información
no Teléfono Xove: 902 15 25 35

Subvencións a asociacións para equipamento e a mellora de locais

A Consellería de Cultura e Turismo convoca subvencións destinadas á mellora dos locais das asociacións, fundacións e entidades culturais sen ánimo de lucro. Poderán gozar destas subvencións as asociacións, fundacións e entidades culturais sen ánimo de lucro, que teñan sede en Galicia, para o seu equipamento e mellora, sempre que realicen actividades culturais de promoción da cultura galega e desenvolvan as súas actividades habitualmente en Galicia.

Poderán ser obxecto de subvención as actuacións que se encadren nas seguintes modalidades:

a) Fundacións con local en propiedade: acondicionamento e mellora dos seus locais e investimentos en equipamento e mobiliario.

b) Asociacións con local en propiedade: acondicionamento e mellora dos seus locais e investimentos en equipamento e mobiliario.

c) Entidades culturais que non teñen local en propiedade pero que teñen unha cesión de uso por un prazo mínimo de 10 anos: poderán acollerse unicamente ás axudas de investimento en equipamento e mobiliario.

Prazo: ata o 25 de febreiro de 2011.

Máis información en http://culturaeturismo.xunta.es

SEMINARIO FORMATIVO "PROXECTO DESIGUALDADES"

PARA PARTICIPAR DE MANEIRA VOLUNTARIA
COMO MONITOR/A DO PROXECTO
26 de novembro, de 17.00h a 20.00h
27 de novembro ,de 10.00h a 14.00h e de 15.00h a 19.00h
Casa de Mocidade ( O Burgo )
Inscrición de balde Tel 692 178 960 (Rosa López)

O vindeiro xoves, 26 de agosto dende as 10.00h durante as 24 horas celebrarase na polideportiva ao aire libre, da parroquia de Castelo a Festa “E TI QUE DIS?” xunto co “Castelo music. Festival 2010.
Para que este proxecto sexa posible traballan conxuntamente a Asociación Castelo Deporte, unha das entidades sen ánimo de lucro que dirixen as súas actividades á mocidade e a Concellaría de Mocidade e Voluntariado deste Concello, que colabora de xeito activo no proxecto ETIQUEDIS, aportando ideas, materiais, traballo e moitas gañas.
ETIQUEDIS é unha festa feita por todos a través do proxecto que se desenvolveu dende o pasado mes de decembro onde por medio de enquisas e formularios que a asociación Castelo Deporte levou a cabo, recolléronse as inquedanzas da mocidade e serviron de base para o deseño desta festa.

Deste xeito, as actividades do evento están divididas en nove espazos: Espazo urbán, de lecer, espazo virtual, espazo de son , de deporte, espazo solidario, lounche, multimedia e espazo informativo. Nestes espazos agrúpanse as actividades que se desenvolverán durtante as 24 horas; actividadades “de mocidade para a mocidade” segundo o lema que respira esta festa e no que a “zona moza” da Concellaría de Mocidade e Voluntariado estará presente.
E da mesma maneira, a través da votación pola rede foron escollidos os grupos que participarán no Castelo Music Festival 2010: DJ Piñas & Ramón Gz., Strabismo, Hugo Torreiro, Maedi Visna, Marxe Eskerda e DJ Álvaro González entre outros. A duración do festival foi a que a mocidade a través da rede pedía: será o máximo que se ofrecía, oito horas, co que se comezará ás 21.00 horas para rematar ás 05.00 horas, logo haberá, tamén como a xente solicitou, unha chocolatada e bebidas máis baratas Para os que queiran durmir haberá acampada e almorzo de balde

Subvencións a entidades para programas de acollida a poboación inmigrante e retornada a Galicia.

A Consellería de Presidencia convoca subvencións a entidades sen ánimo de lucro para desenvolver programas destinados a favorecer os procesos de acollida e integración da poboación inmigrante e retornada en Galicia.
Data:
prazo ata 24-08-2010.
Información:
Secretaría Xeral da Emigración:
http://www.galiciaaberta.com/

Publicación:
DOG: 23-07-2010

Subvencións para o desenvolvemento da Sociedade da Información

A Secretaría Xeral de Modernización e Innovación Tecnolóxica convoca subvencións destinadas a entidades sen ánimo de lucro, para actuacións de difusión relacionadas co desenvolvemento da Sociedade da Información na Comunidade Autónoma de Galicia, cofinanciadas polo Fondo Europeo de Desenvolvemento Rexional (Feder) e polo Plan Avanza.

As actuacións subvencionables estrutúranse nas seguintes liñas de actuación:
Liña A: eventos de promoción e difusión da Sociedade da Información.
Liña B: actuacións de difusión dirixidas á cidadanía en xeral.
Liña C: actuacións de difusión dirixidas ás pemes.
Liña D: investimentos necesarios para a promoción da sociedade da información nas entidades de interese social.
O prazo de presentación de solicitudes será ata o 2 de agosto de 2010.
Máis información no DOG do 30 de xuño de 2010
http://imit.xunta.es

Castelo acolle este domingo a fase final da Liga de Fútbol Culleredo Mocidade

A polideportiva de Castelo (Culleredo), acollerá este domingo dende o mediodía e ata as dez da noite a fase final da Liga de Fútbol Culleredo Mocidade, un campionato que se ven desenvolvendo todas as semanas dende o pasado mes de maio e que organiza a Asociación Castelo Deporte en colaboración coas concellerías de Mocidade e Voluntariado,
e de Deportes e Participación Cidadá do Concello de Culleredo.
Case dous centenares de mozas e mozos de todos os puntos de Culleredo participaron neste evento, cuxo obxectivo foi dende un primeiro momento dinamizar á mocidade cullerdense, especialmente a das parroquias rurais do concello. Foron catorce os equipos inscritos, e
na organización participaron máis de dez persoas.
O domingo, Castelo pechará a competición coas semifinais a dobre partido, o partido para o terceiro e o cuarto posto e a final, que se disputará contra as nove da noite. Os equipos ‘Fonteculler’, ‘O Burgo’, ‘As Torres’ e ‘Sésamo’ foron os catro primeiros clasificados da fase
regular, que polo tanto teñen acceso á xornada decisiva.
Á entrega de premios asistirán as autoridades do Concello de Culleredo,por parte das dúas concellerías que colaboraron no evento.
A Asociación Castelo Deporte habilitará para esta fase final o chamado ‘Castelo Lounge & Drink’, un servizo de bar para que participantes e público en xeral poidan xantar na propia polideportiva de Castelo e completar a última xornada de deporte no marco deste proxecto.

MÁIS INFORMACIÓN
prensa@castelodeporte.org
697.513.997 – 650.429.214
http://www.castelodeporte.org/

DJ Goro, Strabismo, Hugo Torreiro e DJ Piñas & Ramón Gz. encabezarán o cartel do Castelo Music Festival 2010 do vindeiro 26 de agosto

O Castelo Music Festival 2010 comeza a coller forma logo de que este sábado, nun programa de radio especial que as asociacións Castelo Deporte e Sons de Base emitiron dende a praza de Europa (O Burgo), foron anunciados os gañadores do certame ETIQUEDIS, que dende o
mes de xaneiro procura a opinión de toda a mocidade galega para deseñar unha festa á medida de cada persoa.
Os gañadores do concurso, con máis de mil votos, foron os dj’s Piñas & Ramón Gz., seguidos polo cantautor coruñés Hugo Torreiro e Strabismo, un grupo procedente de Noia. Marxe Eskerda, Álvaro González e Maedi Visna completaron as seis primeiras posicións, que dan acceso ao evento.
A sorpresa foi a inclusión no cartel do evento dun dos deejays máis coñecidos de Galicia, Goro, que protagonizará a actuación estelar a noite do 26 de agosto na polideportiva de Castelo (Culleredo).
Máis de duascentas persoas seguiron o programa a través da rede en directo e ao redor de catrocentas presenciaron o evento na propia praza do Burgo ao longo das cinco horas que durou a emisión.

MÁIS INFORMACIÓN
prensa@castelodeporte.org
697.513.997 – 650.429.214
www.castelodeporte.org

Subvencións para a realización de accións dirixidas a persoas inmigrantes.

A Consellaría de Traballo e Benestar convoca subvencións para a realización de accións de orientación, formación e inserción laboral dirixidas a persoas inmigrantes.
prazo até 07-07-2010.
Informacion
Consellería de Traballo e Benestar
Departamento Territorial: Rúa Enrique Mariñas s/n (Edificio Proa). Matogrande. A Coruña
Publicación:
DOG: 07-06-2010

Axudas económicas destinadas a fomentar o asociacionismo e a participación das mulleres.

Esta resolución ten por obxecto fixar as bases reguladoras e a convocatoria de axudas económicas en favor das asociacións de mulleres e federacións constituídas por estas, con destino a gastos correntes derivados do seu mantemento e funcionamento durante o ano 2010.

Data:
prazo até 25-06-20010

Secretaría Xeral da Igualdade
Delegación Territorial da Xunta
Edificio Administrativo de Monelos - A Coruña
Tlf. información Xunta: 012
Publicación:
DOG 24-05-2010

Axudas para a protección integral contra a violencia de xénero.

Axudas previstas no artigo 27 da Lei orgánica 1/2004, do 28 de decembro, de medidas de protección integral contra a violencia de xénero, e no artigo 43 da Lei 11/2007, do 27 de xullo, galega para a prevención e o tratamento integral da violencia de xénero.

Secretaría Xeral da Igualdade
correo electrónico igualdade@xunta.es
teléfono 900 40 02 73.
Publicación:
DOG: 24-05-2010

Subvencións para a execución de microproxectos de cooperación para o desenvolvemento.

Subvencións para a execución de microproxectos de cooperación para o desenvolvemento no exterior promovidos polas organizacións non gobernamentais de desenvolvemento

Data:
prazo até 26-06-2010.

Dirección Xeral de Relacións Exteriores e coa Unión Europea
Rúa dos Feáns, 5 baixo
15705 Compostela


Publicación:
DOG: 25-05-2010

Axudas para creación e mantemento de aulas de formación aberta.

Axudas a entidades locais territoriais, entidades públicas dependentes das entidades locais territoriais e entidades privadas sen fins de lucro para creación e mantemento de aulas de formación aberta, flexible e a distancia mediante tecnoloxías da información e a comunicación a través de Aula Mentor.

Data:
prazo até 16-06-2010.

Ministerio de Educación
rúa Torrelaguna, número 58
28027 Madrid
Web de Aula Mentor http://www.mentor.educacion.es

Asociacionismo e a participación das mulleres

A Secretaría Xeral da Igualdade convoca axudas económicas destinadas a fomentar o asociacionismo e a participación das mulleres.
As axudas poderán ser solicitadas polas asociacións de mulleres e federacións constituídas por estas domiciliadas na Comunidade Autónoma de Galicia e inscritas no Rexistro Único de Entidades Prestadoras de Servizos Sociais, nas áreas de actuación da muller ou de igualdade.
O prazo de presentación de solicitudes estará aberto ata o 25 de xuño de 2010.
Máis información no DOG do 24 de maio de 2010 e en www.igualdadegalicia.org

Máis información: http://www.xuventude.net/web/xuventude/asociacions/financiamento/ordedesubvencions

Proxectos en materia de xestión de residuos, mitigación ou adaptación ao cambio climático

A Consellería de Medio Ambiente convoca axudas a fundacións, asociacións e outras entidades ou institucións sen ánimo de lucro para o financiamento de proxectos en materia de xestión de residuos, mitigación ou adaptación ao cambio climático e implantación e mantemento no sistema comunitario de xestión e auditoría ambientais (EMAS).
Máis información no DOG do 18 de maio de 2010 e en www.cmati.xunta.es
Máis información

http://www.xuventude.net/web/xuventude/asociacions/financiamento/ordedesubvencions

Accións de investigación-acción anti VIH/sida.

A Consellería de Sanidade convoca subvencións a proxectos de accións de investigación-acción que teñan relación co esforzo global anti VIH/sida. Estas axudas irán dirixidas a asociacións e concellos que desenvolvan actividades en Galicia.
En Mocidade serán subvencionables as seguinetes actividades:
Mozas e mozos non escolarizados ou pertencentes a grupos con elevada vulnerabilidade social (internas/os en centros tutelares de menores, minorías étnicas marxinadas, familias desestruturadas,
-Facilitación de medios preventivos.
-Información e divulgación sobre VIH/sida.
Programas dirixidos á mocidade escolarizada no ámbito da promoción de hábitos sexuais saudables.
-Educación para a prevención do VIH no contexto de programas de educación afectivo-sexual.
-Facilitación de preservativos.

O prazo de presentación de solicitudes estará aberto ata o 12 de xuño de 2010.
Máis información no DOG do 11 de maio de 2010

http://www.xuventude.net/web/xuventude/asociacions/financiamento/ordedesubvencions

Fomento e a realización de actividades de voluntariado en 2010

A Consellería de Traballo e Benestar pon en marcha de novo as solicitudes de subvencións dirixidas a entidades de acción voluntaria para o fomento e a realización de actividades de voluntariado para o ano 2010.
Se estás inscrita coma unha entidade de acción voluntaria de Galicia e realízache algún proxecto en prol do voluntariado entre o 1 de xaneiro do 2010 e o 15 de outubro de 2010, presenta a solicitude da subvención ata o 5 de xuño de 2010.
Para aclarar todas as dúbidas que teñas:
Máis información no DOG do 4 de maio de 2010 e en www.voluntariadogalego.org
Máis información:

http://www.xuventude.net/web/xuventude/asociacions/financiamento/ordedesubvencions

O DOG publica a Orde do novo modelo de participación xuvenil.

Xa temos no DOGA a orde que regula o novo modelo de participación xuvenil. UNHA DAS NOVIDADES, a participación de grupos informais, e dicir mozos e mozas que se xuntan para facer algún proxecto en común pero non están estipulados coma asociación, estes grupo deberán estar formados mínimo con 5 persoas entre os 18 e os 29 anos, e Terán a opción de solicitar á Xunta UN ADIANTE ECONÓMICO do 80% por cento sobre a cantidade total da axuda concedida.
De este xeito a falla de liquidez non é un problema para poder levar a cabo o voso proxecto, así que apúntate tes un mes desde o día seguinte á publicación no DOGA.
Máis información:http://www.xuventude.net/web/xuventude/asociacions

Premios «Moz@s Investigadores» para 2010.

Alumnos e Alumnas de Ensino Secundario Obrigatorio, Bacharelato e Formación Profesional e membros de distintas asociacións se tedes interés en mellorar a cultura científica , este pode ser o teu momento presentándose os

premio «Moz@s Investigadores».
Os obxectivos, requisitos e prazos podelos consultar en:
BOE do 3 de maio de 2010.

http://www.xuventude.net/web/xuventude/ensino

E si non estou asociado e quero participar?

Ademais destes espazos mais formais de participación a través das entidades xuvenís hai outros canles de participación individual ou grupal se estas interesado@ en participar e achegar novas ideas que fagan que o concello sexa algo voso:

- Os foros xuvenís nos centros escolares e centros sociais
- Os buzóns de suxestións na Casa da Mocidade e en todos os edificios municipais
- O blog da ZONA MOZA e as redes sociais
- O mail zona.moza@culleredo.org
- A web do concello http://www.culleredo.es/
- A Rede de SMX ou mensaxeiros da ZONA MOZA nos centros escolares e outras entidades do concello